Þór sigraði Skallagrím í úrslitakeppni 1. deildar í körfubolta karla í Íþróttahöllinni á Akureyri. Leikurinn var jafn og spennandi en endaði með eins stigs sigri heimamanna 89:88
Þriðji leikur liðanna var jafn líkt og hinir tveir en í fyrsta skipti í einvíginu vann heimaliðið. Þórsarar leiddu 44:41 í hálfleik og 66:60 eftir þrjá leikhluta. Baldur Jóhannesson varði skot Marinós Pálmasonar þegar ein sekúnda var til leiksloka og tryggði sínum mönnum sigurinn.