Íþróttir | Körfubolti | mbl | 15.12.2024 | 20:50 | Uppfært 22:33

Njarðvík á toppnum eftir sigur á Keflavík

Brittany Dinkins í leik með Njarðvík gegn Keflavík í haust. mbl.is/Skúli B. Sigurðsson

Njarðvík og Keflavík áttust við í 11. umferð úrvalsdeildar kvenna í körfubolta og lauk leiknum með sigri Njarðvíkur, 98:88. Leikið var í Icemar höllinni í Innri Njarðvík.

Eftir leikinn er Njarðvík með 16 stig en Keflavík er áfram með 14 stig.

Njarðvíkurkonur byrjuðu leikinn vel og komust í 7:0 áður en fystu stig Keflavíkur komu. Jasmine Dickey dró vagninn fyrir Keflavíkurkonu og skoraði fyrstu 6 af 8 stigum Keflavíkur.

Njarðvíkurkonur voru skrefinu á undan í fyrsta leikhluta og leiddu að lokum með 8 stigum í stöðunni 25:17.

Taflið snérist heldur betur við í öðrum leikhluta þegara Keflavíkurkonur mættu tvíefldar til leiks og skoruðu fyrstu 12 stigin í leikhlutanum og náðu 4 stiga forskoti í stöðunni 29:25 fyrir Keflavík.

Njarðvíkurkonur náðu loks að skora af vítapunktinum en það breytti því ekki að Keflavíkurkonur voru skrefinu á undan í leikhlutanum og náðu mest 7 stiga forskoti í stöðunni 43:36.

Njarðvíkurkonur náðu þó að koma til baka fyrir lok hálfleiksins og minnkuðu muninn niður í eitt stig. Staðan í hálfleik 43:42 fyrir Keflavík.

Brittany Dinkins var atkvæðamest í liði Njarðvíkur í fyrri hálfleik og var með 15 stig. Jasmine Dickey var með stigi meira fyrir Keflavík eða 16 stig og 6 fráköst. Emilie Sofie var með 12 fráköst í fyrri hálfleik í liði Njarðvíkur.

Það var engu líkara en að fyrri hálfleikurinn hafi verið að endurtaka sig í þeim þriðja. Njarðvíkurkonur skoruðu fyrstu 7 stigin áður en Keflavík skoraði. Það var þó vissulega jafnara á með liðunum en Njarðvíkurkonur voru alltaf skrefinu á undan.

Fór svo að þegar þriðja leikhluta lauk var staðan 70:65 fyrir Njarðvík og spennandi fjórði leikhluti framundan.

Njarðvíkurkonur skoruðu fyrstu 4 stig fjórða leikhluta komust 9 stigum yfir í stöðunni 74:65. Keflavíkurkonur neituðu þó að gefast upp og minnkuðu muninn niður í 4 stig í stöðunni 74:70.

Keflvíkingum tókst að minnka muninn í eitt stig í stöðunni 78:77 en þá setti Hulda María Agnarsdóttir niður gríðarlega mikilvægt þriggja stiga skot og jók muninn í fjögur stig í stöðunni 81:77 fyrir Njarðvík.

Njarðvíkurkonur reyndust sterkari í lokakafla leiksins og sigldu framúr liði Keflavíkur. Mestur varð munurinn 11 stig en Njarðvíkurkonur unnu að lokum 10 stiga sigur á nágrönnum sínum 98:88.

Njarðvík - Keflavík 98:88

IceMar-höllin, Bónus deild kvenna, 15. desember 2024.

Gangur leiksins:: 7:2, 12:8, 19:15, 25:17, 25:23, 27:29, 31:36, 42:43, 49:49, 56:54, 66:60, 70:65, 74:68, 78:77, 85:79, 98:88.

Njarðvík: Brittany Dinkins 41/7 fráköst/5 stoðsendingar, Bo Guttormsdóttir-Frost 18, Ena Viso 15/7 fráköst/7 stoðsendingar, Hulda María Agnarsdóttir 11/4 fráköst, Emilie Sofie Hesseldal 6/18 fráköst/7 stoðsendingar/5 stolnir, Lára Ösp Ásgeirsdóttir 5, Sara Björk Logadóttir 2.

Fráköst: 28 í vörn, 11 í sókn.

Keflavík: Jasmine Dickey 38/11 fráköst, Sara Rún Hinriksdóttir 20/4 fráköst, Thelma Dís Ágústsdóttir 10/7 fráköst, Anna Ingunn Svansdóttir 9/5 fráköst/5 stoðsendingar, Agnes María Svansdóttir 5, Bríet Sif Hinriksdóttir 3, Anna Lára Vignisdóttir 3/5 fráköst.

Fráköst: 27 í vörn, 8 í sókn.

Dómarar: Bjarki Þór Davíðsson, Davíð Kristján Hreiðarsson, Bjarni Hlíðkvist Kristmarsson.

Áhorfendur: 359

Stigahæst í liði Njarðvíkur var Brittany Dinkins með 41 stig. Emilie Sofie var með 18 fráköst.

Í liði Keflavíkur var Jasmine Dickey með 38 stig og 11 fráköst.

Lýsing uppfærist sjálfkrafa

Allar lýsingar í beinni

Aðrir virkir leikir

Man. City	1:2	Man. United	Skoða leik
90. mín. Amad Diallo (Man. United) skorar 1:2 - VÁ! Martínez með háa sendingu í gegn á Diallo sem er einn gegn Ederson, vippar boltanum yfir markvörðinn og potar honum síðan í netið fram hjá varnarmönnum City. Þvílíkt og annað eins.
Augnablik — sæki gögn...