Veiði | mbl | 21.3.2018 | 12:54 | Uppfært 14:30

Sérstök sýning á The Salmon Story

Á föstudaginn kemur verður sérstök sýning í Bíó Paradís á norsku heimildarmyndinni “The Salmon Story” sem hefur fengið mikla athygli í Noregi, en þar var myndi nýverið sýnd í fjórum hlutum í norska ríkissjónvarpinu.

Fram kemur tilkynningu hjá Iceland Wildlife Fund að aðgangur verði ókeypis og hefst sýning klukkan 18.00 og um er heimsfrumsýning að ræða utan Noregs. Myndin er 76 mínútur og er með enskum texta.

Sýningin er í boði Norður Atlantshafslaxsjóðsins í samstarfi við Redvillaksen og Pandora Film í Noregi. Norðmaðurinn Kenneth Bruvik leiðir áhorfendur í gegnum stöðuna á vilta laxinum í Noregi og hvaða afleiðingar fiskeldi í opnum sjókvíum hefur haft á stofninn.

Myndin hefur vakið mikla athygli og umræðu í Noregi um áhrif fiskeldis á villta laxa. Fiskeldi er vaxandi grein á Íslandi og því er mikilvægt að allar hliðar þessa iðnaðar séu skoðaðar í kjölinn. Afleiðingarnar Noregi tala sínu máli og væri hræðilegt ef náttúra Íslands myndi bíða sama skaða.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
101 cm	Vatnsdalsá	Erlendur veiðimaður	29. september 29.9.
101 cm	Eystri-Rangá	Grzegorz Loszewski	27. september 27.9.
105 cm	Hvítá við Iðu	Katrín Tanja Davíðsdóttir	24. september 24.9.
101 cm	Víðidalsá	Jón Eðvald Halldórsson	22. september 22.9.
107 cm	Grímsá	Jón Jónsson	22. september 22.9.
101 cm	Miðfjarðará	Agnar Sigurjónsson	22. september 22.9.
101 cm	Hvítá við Iðu	Gunnar Pétursson	20. september 20.9.