Gagnaver háð bitcoin

80-90% af starfsemi gagnavera hér á landi eru vegna bitcoin-námugraftar. Gagnaver hér á landi eru fá og slæmt að þau séu svo háð einni tegund af vinnslu.

„Sem ofan á allt er mjög brothætt. Ef verð á rafmynt fellur hratt og gengið fer neðarlega af einhverjum ástæðum gæti það leitt til þess að þeir aðilar sem eiga þennan búnað sjái ekki fram á að það borgi sig að halda starfseminni áfram,“ segir María Ingimundardóttir, framkvæmdastjóri ráðgjafarsviðs Opinna kerfa.

Hún segir að það sem helst standi í vegi fyrir því að erlendir aðilar komi til Íslands séu fáar tengingar og frekar dýrar. Gagnaflutningsgeta sæstrengjanna Farice og Danice sé nægileg og langt frá því að vera fullnýtt, að því er fram kemur í fréttaskýringu um þetta efni í Morgunblaðinu í dag.