Hið rótgróna verktaka- og þjónustufyrirtæki VHE í Hafnarfirði hefur um alllangt skeið átt í erfiðleikum með að standa skil á greiðslum til birgja og helsta lánveitanda síns. Þetta herma heimildir Morgunblaðsins.
Erfið staða fyrirtækisins rekur sig raunar allt aftur til bankahrunsins 2008 þegar erlend lán þess stökkbreyttust ásamt því að forsendubrestur varð fyrir ýmsum stórverkefnum sem það vann að á þessum tíma. Hjá fyrirtækinu starfa í dag í kringum 400 manns.
Hefur Morgunblaðið undir höndum dæmi um að greiðslur til birgja fyrirtækisins hafi dregist svo mánuðum skiptir á síðustu misserum. Ýtarlegri umfjöllun má finna á viðskiptasíðu Morgunblaðsins.