N1 og stjórn ÍBV hafa undirritað samning sem felur í sér að N1 verður á ný aðalstyrktaraðili ÍBV í meistaraflokki karla í knattspyrnu og gildir samningurinn til næstu þriggja ára.
Þar með er þráðurinn tekinn upp að nýju í samstarfi félaganna tveggja, því fyrirtækið var aðalstyrktaraðili ÍBV á árunum 1988 til 2006. Á því tímabili varð félagið Íslandsmeistari í tvígang og einu sinni tvöfaldur meistari, þegar liðið var bæði Íslands- og bikarmeistari í knattspyrnu.
Það voru þeir Hinrik Örn og Víðir Róbertsson, úr stjórn ÍBV, sem skrifuðu undir samninginn að viðstöddum leikmönnum úr meistaraflokki ÍBV.