Hefja flug til Orlando í desember

Flugfélagið WOW air hefur í dag sölu á flugferðum til borgarinnar Orlando í Bandaríkjunum en flug þangað hefst 18. desember og mun standa til 30 apríl. Verður flogið þrisvar í viku til flugvallarins Orlando International og tekur flugið rúmar átta klukkustundir.

Haft er eftir Skúla Mogensen, forstjóra WOW air, að Orlando sé skemmtilegur staður sem lengi hafi notið mikilla vinsælda hjá Íslendingum. „Með því að bjóða upp á flug á hagstæðum kjörum gerum við fleirum kleift að ferðast og njóta lífsins í sólinni.“

• Blogga um frétt