Leiðakerfi WOW stækkað um 15%
Setja bókamerki
Flugfélagið WOW air ætlar að stækka leiðakerfi sitt um 15% á næsta ári. Auka á tíðni flugferða til stærstu áfangastaða félagsins í Bandaríkjunum vegna eftirspurnar Indverja þegar WOW hefur flug til Delí á Indlandi. Þetta sagði Skúli Mogensen, forstjóri WOW, í viðtali í kvöldfréttum Ríkisútvarpsins.
WOW air tilkynnti að það myndi hætta með flug til bandarísku borganna St Louis, Cincinnati og Cleveland á svipuðum tíma og skuldabréfaútboð flugfélagsins stóð yfir og var útlit fyrir að félagið væri að minnka umsvif vegna fjárhagsörðugleika. Sagði Skúli að flug til borganna þriggja hafi ekki staðist væntingar og að flugflota félagsins væri betur varið öðruvísi.
Flugfélagið tilkynnti nýlega flugferðir til Orlando í Flórída og verður nýr áfangastaður í Norður-Ameríku kynntur í næstu viku.
Forstjórinn sagði ljóst að tryggja þyrfti frekara fjármagn til að félagið geti haldið áfram að vaxa og að hlutabréfaútboð væri á næsta leyti.
Kvikan virðist nú skiptast til helminga
Stóraukið fé til samgöngusáttmála
Hafa samþykkt kaup fyrir um 9,2 milljarða
„Menn eru bara búnir að forgangsraða“
„Þögnin er ærandi“
Markaðurinn hitnar og leiguverð hækkar hratt
Innviðir þandir og álagið „gríðarlegt“
„Það er skiljanlegt að þolinmæði þeirra sé lítil“