Viðskiptavinir Kortaþjónustunnar, m.a. kaupmenn, hafa orðið fyrir því í nokkur skipti að undanförnu að uppgjör til þeirra hafa dregist.
Þannig hefur sá háttur verið hafður á að Kortaþjónustan geri upp við flesta viðskiptavini sína á miðvikudögum fyrir klukkan 9 á morgnana. Í gær gerðist það t.d. að greiðslur töfðust fram eftir degi. Kaupmaður sem ViðskiptaMogginn ræddi við í gær sagði seinkanir á greiðslum hafa komið sér illa fyrir fyrirtæki sitt.
Björgvin Skúli Sigurðsson, forstjóri Kortaþjónustunnar, segir að þessar tafir hafi sannarlega orðið en að þær feli ekki í sér brot á samningum við viðskiptamenn fyrirtækisins.
Björgvin Skúli segir tafirnar á greiðslum til viðskiptavina ekki tengjast rekstrarlegri stöðu fyrirtækisins en það tapaði 1,6 milljörðum í fyrra og nýir hluthafar þurftu að leggja fyrirtækinu til umtalsverða fjármuni í kjölfar þess að það varð fyrir miklu höggi vegna gjaldþrots breska flugfélagsins Monarch.
Sjá fréttina í heild sinni í ViðskiptaMogganum í dag.