Funduðu með ráðgjafa Íslands í hruninu
Setja bókamerki
Michael Ridley, ráðgjafi sem lengi starfaði hjá fjárfestingabankanum J.P. Morgan, var á meðal þeirra sem sátu á fundi í Stjórnarráðinu í dag eftir að í ljós kom að Icelandair hefði slitið viðræðunum við WOW air.
Ridley var einn af helstu ráðgjöfum Íslands þegar bankahrunið varð og kom hann á þeim tíma til landsins í einkaþotu frá London ásamt tveimur öðrum sérfræðingum frá J.P. Morgan.
Verkefni þeirra var að sannfæra ríkisstjórn Íslands um að lengra yrði ekki gengið í þeirri viðleitni að bjarga viðskiptabönkunum þremur sem stóðu á fjárhagslegum brauðfótum.
Fundarhöldunum í Stjórnarráðinu lauk fyrir skömmu. Á meðal þeirra sem einnig sátu fundinn voru Sigurður Ingi Jóhannsson samgönguráðherra, Bjarni Benediksson fjármálaráðherra og Þórdís Kolbrún Reykfjörð Gylfadóttir dómsmála- og ferðamálaráðherra.
Segjast hafa skotið niður langdræga sprengjuvél
Unnu að fullum heillindum að kaupum á TM
Aðkoman í gripahúsið mjög slæm
Hyggjast leyfa fólki að skoða gosið
Gerir ráð fyrir 150 samningum í næstu viku
Ný staða uppi og óvissan meiri