KS vill ala lax á landi

Þórólfur Gíslason kaupfélagsstjóri Kaupfélags Skagfirðinga segir að Kaupfélagið sé farið að huga að umfangsmiklu laxeldi, en félagið hefur ræktað bleikju um nokkurn tíma. 

„Við erum að skoða stórar hugmyndir um landeldi á laxi. Í Þorlákshöfn eru skilyrði góð, bæði aðgangur að heitu og köldu vatni, sem og sjó, og nálægð við flugvöllinn. Landeldi á laxi er komið styttra á veg í heiminum en margir halda, og það eru ekki nema örfáir aðilar í því, eða innan við 100 í heiminum öllum, og bara 3 – 4 verulega stórir.“

Frá Þorlákshöfn. Þar segir Þórólfur góðar aðstæður til landeldis.

Auka bleikjueldið

Kaupfélagið stundar nú þegar landeldi á bleikju á Hólum í Hjaltadal og í Þorlákshöfn. „Við erum komin þar í 4-500 tonna framleiðslu, og höfum metnað til að auka framleiðsluna upp í þúsund tonn.“

Þórólfur bætir við að aðstaða félagsins í Þorlákshöfn sé góð og vilyrði fyrir meiri aðstöðu þar ef þurfa þykir.

Viðtal við Þórólf birt­ist í heild sinni í ViðskiptaMogg­an­um, sem fylgdi Morg­un­blaðinu í gær, miðviku­dag.

Þórólfur Gíslason kaupfélagsstjóri. mbl.is/RAX