Hluti af ríkasta fólki Bandaríkjanna hvetur þá sem sækjast eftir embætti forseta Bandaríkjanna til að leggja til hækkun skatta á ofurríka. Með því verði hægt að draga úr ójöfnuði og berjast gegn loftslagsvánni.

Meðal þeirra sem rita undir bréfið eru fjárfestirinn George Soros, annar stofnandi Facebook, Chris Hughes, og Molly Munger, dóttir milljarðamæringsins Charlie Munger. Þau segjast vera hlutlaus og ekki styðja neinn ákveðinn frambjóðanda. En ábyrgðin sé Bandaríkjanna að bregðast við loftslagsvá, bæta efnahagslífið, heilbrigðiskerfið og skapa aukin tækifæri fólks. Álagning auðlegðarskatts sé í hag lýðveldisins.

Samkvæmt frétt BBC skrifa 18 undir bréfið, þar á meðal erfingjar Walt Disney og eigendur Hyatt-hótelkeðjunnar. Mörg þeirra hafa verið áberandi í baráttunni gegn loftslagsbreytingum og auknu bili á milli fátækra og ríkra.

Líkt og bent er á í bréfinu eru skattar á milljarðamæringinn Warren Buffett lægri en á ritara hans. Það er skattprósentan sem hann þarf að greiða er lægri en sú sem ritarinn þarf að greiða.

Bréfið í heild

Tengdar fréttir

Loftslagsvá

„Þeir hafa ekki alveg verið að standa við sitt“

• Stórt svæði orðið eldi að bráð
• Thunberg: „Aðeins byrjunin“
• Svissneska ríkið sakfellt í loftslagsmáli
• Hitamet slegið í Austurríki

» Fleiri tengdar fréttir

Forsetakosningar í Bandaríkjunum 2020

Þyngsti dómurinn til þessa

• Enn einn „Stoltur Drengur“ dæmdur
• Biggs fékk 17 ára fangelsisdóm
• Repúblikanar gagnrýna Tucker Carlson
• Sakfelldir fyrir árásina á þinghúsið

» Fleiri tengdar fréttir

• 1 blogg um fréttina

Bloggað um fréttina

• Geir Ágústsson: Sýndarmennska auðmannanna