Þeir Einar Gylfi Harðarson og Þórður Ágústsson eru mennirnir á bak við kannanaforritið Eik sem hefur verið í um tvö ár í bígerð. Forritið, sem nú er aðgengilegt á App Store, hefur fengið góðar viðtökur en hugmyndin að því spratt í aðferðafræðikúrsi Einars Gylfa í Háskólanum í Reykjavík en þar leggur hann stund á hagfræði.
„Konseptið er þannig að fólk getur ef það vill skráð sig til þess að taka kannanir og fengið greitt fyrir það. Það er mikil vitundarvakning á meðal okkar kynslóðar um þessi mál. Það er risamarkaður fyrir þessar upplýsingar. Áður fyrr var fólk að gefa svör sín frítt í gegnum Facebook og taka kannanir þar. En það er stórt vandamál hjá markaðsrannsóknarfyrirtækjum að ná í svör frá fólki á aldrinum 18-35 ára. Við sáum tækifæri þarna og ákváðum að reyna að leysa þetta vandamál,“ segir Einar Gylfi
Útgreiðsla fyrir kannanir fer eftir því hversu langar þær eru og er úttektarlágmarkið 5.000 krónur.
Nánar er fjallað um málið í ViðskiptaMogga dagsins.