Ólafur Ragnar tekjuhærri en Guðni
Setja bókamerki
Ólafur Ragnar Grímsson, fyrrverandi forseti, hafði hærri tekjur en Guðni Th. Jóhannsesson forseti á síðasta ári. Þetta kemur fram í tekjublaði Frjálsrar verslunar. Tekjur Ólafs á síðasta ári námu 3,25 milljónum króna á mánuði, en Guðna 2,8 milljónum, samkvæmt útreikningum sem byggja á álagningarskrá ríkisskattstjóra.
Næst á lista tekjuhárra ráðamanna er forsætisráðherra með 2,17 milljónir króna á mánuði, en á hæla hennar kemur Sigurður Páll Jónsson, tekjuhæstur þingmanna, en mánaðarlaun hans námu 2,12 milljónum á mánuði.
Tekjuhæstu stjórnmálamenn, að fyrrnefndum undanskildum:
- Steingrímur J. Sigfússon, forseti Alþingis. 1,95 milljónir
- Gunnar Bragi Sveinsson, þingmaður Miðflokksins. 1,90 milljónir
- Guðlaugur Þór Þórðarson utanríkisráðherra. 1,85 milljónir
- Bjarni Benediktsson fjármálaráðherra. 1,84 milljónir
- Guðmundur Ingi Guðbrandsson umhverfisráðherra. 1,81 milljón
- Sigurður Ingi Jóhannsson samgönguráðherra. 1,79 milljónir
- Logi Már Einarsson, þingmaður Samfylkingarinnar. 1,77 milljónir
- Ásmundur Einar Daðason félagsmálaráðherra. 1,77 milljónir
- Lilja Dögg Alfreðsdóttir menntamálaráðherra. 1,76 milljónir
- Þórdís Kolbrún Gylfadóttir atvinnuvega- og dómsmálaráðherra. 1,76 milljónir
Prestar eru líka sumir vel launaðir. Tekjuhæstur þeirra var Kristján Valur Ingólfsson, sem gegndi embætti víglubiskups í Skálholti fram á mitt síðasta ár. Tekjur hans námu 1,88 milljón á mánuði, litlu meira en Agnes M. Sigurðardóttir, biskup Íslands, sem fékk 1,82 milljónir á mánuði fyrir sín störf. Helga Soffía Konráðsdóttir var tekjuhæst sóknarpresta, en hún þjónar í Háteigssókn og hlaut að launum 1,61 milljón á mánuði. Næstur kom Sveinn Valgeirsson dómkirkjuprestur með 1,58 milljónir á mánuði.
„Á réttri leið en nokkuð í land ennþá“
Skar höfuðleðrið af íslenskri konu
Vona að Orkustofnun veiti ekki virkjunarleyfi
„Hvílir mikil leynd yfir þessu öllu“
Vélsleðaslys: Þyrlan kölluð út á mesta forgangi
Skemmtiferðaskip hætt komið nærri Viðey
Handtekin eftir að tvö börn fundust látin