Lárus Elíasson hefur verið ráðinn fasteignastjóri Hörpu. Tilkynnt var um ráðninguna í dag.
Lárus er með meistaragráðu í stjórnun fyrirtækja og vélarverkfræði. Hann hefur lengst af starfað sem stjórnandi í orkugeiranum, bæði innanlands og utan, við sölu, hönnun, smíði og gangsetningu virkjana.
Á meðal annarra starfa Lárusar má nefna margvísleg verkefni á sviði rekstrar og stjórnunar, úttekt og eftirlit með flugvöllum og loks kennslu í verkefnastjórnun og rekstri fyrirtækja við Háskóla Íslands.
„Það felast í því tækifæri að leiða fasteignasvið þessa einstaka húss. Harpa hefur þegar sannað gildi sitt og framundan eru mikilvæg verkefni sem tengjast fjölbreyttri starfsemi í húsinu. Ég hlakka til þess að leggja mitt af mörkum,“ er haft eftir Lárusi í tilkynningu. Hann tekur til starfa 1. nóvember,