Icelandair væntir frekari bóta frá Boeing
Setja bókamerki
Nýtt samkomulag var gert milli Icelandair og Boeing í gær vegna kyrrsetningar MAX-8-vélanna og mun það samkomulag koma fram í uppgjöri Icelandair á næsta ári. Þetta sagði Bogi Nils Bogason, forstjóri Icelandair, á kynningarfundi vegna uppgjörs þriðja ársfjórðungs á Hótel Natura í morgun.
Hann sagði jafnframt viðræður um frekari skaðabætur vegna kyrrsetningarinnar enn í gangi og gert sé ráð fyrr að vélarnar verði kyrrsettar út febrúarmánuð. Af þeim 14 vélum sem teknar voru úr umferð gerir félagið ráð fyrir að níu verði í notkun næsta sumar, nema til frekari frestunar komi sem félagið telur að ekki verði.
MAX-8-áhrif ekki birt framvegis
Þá hyggst Icelandair ekki birta frekari upplýsingar um áhrif stöðu MAX-8-vélanna á reksturinn eins og gert hefur verið áður þar sem viðræður við Boeing standi enn yfir. „Þessar viðræður hafa gengið ágætlega,“ sagði Bogi Nils.
Fram kom í máli Evu Sóleyjar Guðbjörnsdóttur, fjármálastjóra Icelandair, að inni í uppgjöri fyrir þriðja ársfjórðung hafi verið bætur frá bótum, en sem fyrr segir væntir félagið frekari bóta frá Boeing.
Sama stefna í gildi í útlendingamálum
Á annað hundrað símtala vegna nikótínvara
Vill engin tímamörk á fóstureyðingum
Unnu að fullum heillindum að kaupum á TM
Myndskeið: Segjast hafa skotið niður sprengjuflugvél
Að minnsta kosti vika í nýtt gos
Ný staða uppi og óvissan meiri
Mun fara sparlega með málskotsréttinn