Félag í eigu Seðlabankans gjaldþrota

Breska eignarhaldsfélagið Ukrapteka limited UK sem var í eigu dótturfélags Seðlabanka Íslands hefur verið tekið til opinberra skipta í Bretlandi. Er það breska ríkið sem knúið hefur skiptin fram samkvæmt opinberum gögnum þar í landi. Fyrirsvarsmaður félagsins samkvæmt opinberum gögnum var Steinar Þór Guðgeirsson hrl. sem sinnt hefur fjölmörgum verkefnum fyrir Seðlabanka Íslands og dótturfélög hans á síðustu árum.

Heimildir ViðskiptaMoggans herma að það hafi komið Seðlabankanum og forsvarsmönnum félagsins í opna skjöldu að stjórnvöld í Bretlandi hafi gripið til þessara aðgerða gagnvart félaginu og að lögmenn kanni nú möguleika þess að vinda ofan af skiptaferlinu. Ekki er þó talið víst að það svari kostnaði.

Engar eignir voru í félaginu þegar það fór í þrot og námu skuldir þess. Á sama tíma námu skuldir þess ríflega 6 milljónum dollara, jafnvirði ríflega 750 milljóna króna. Skuldirnar voru samkvæmt heimildum ViðskiptaMoggans að mestu við móðurfélag Ukrapteka limited UK.

Lesa má fréttina í heild sinni í ViðskiptaMogganum í dag.