Búið að loka Búllunni í Noregi

Christopher Todd, framkvæmdastjóri Tommi's Burger Joint í Noregi, segir í samtali við ViðskiptaMoggann að fyrirtækið hafi rekið þrjá veitingastaði í Osló frá árinu 2017, þar sem hamborgurunum hafi verið vel tekið af heimamönnum. Hann segir að jafn og stöðugur vöxtur hafi verið í rekstrinum, en síðustu tíu mánuðir hafi reynst erfiðir. Miklar götuframkvæmdir hafi staðið yfir og valdið verulegu ónæði og skertu aðgengi að veitingastöðunum sem leitt hafi til verulegs samdráttar í sölu og skapað erfiðleika í rekstri. Hann segir að í kjölfar þessara breyttu rekstrarforsendna hafi forsvarsmenn Tommi's Burger Joint í Noregi ákveðið að hætta starfsemi þar.

Lesa má fréttina í heild sinni í viðskiptaMogganum í dag.