150 milljónir en ekki 200 milljónir

Marel hefur sent frá sér leiðréttingu á ársreikningi sem kynntur var í gær, en þar kom meðal annars fram að laun, hlunnindi og kaupaukagreiðslur Árna Odds Þórðarsonar, forstjóra félagsins, væru samtals um 200 milljónir króna. Fram kemur í nýju tilkynningunni að skekkja hafi verið í upplýsingum um launakjör lykilstjórnenda fyrir síðasta árs, en skekkjan virðist eiga við um bæði kjör forstjórans auk annarra í framkvæmdastjórn, þótt laun þeirra séu ekki sundurliðuð eins og með forstjórann.

Frétt af mbl.is

Árni Oddur með 200 milljónir í laun í fyrra

Í fyrri útgáfu ársreikningsins kom fram að Árni væri með 1.439 þúsund evr­ur í árs­laun í fyrra. Það nem­ur um 204 millj­ón­um á gengi dags­ins í dag, eða 17 millj­ón­um á mánuði. Til viðbót­ar við þetta bæt­tist 220 þúsund evra líf­eyr­is­greiðsla, eða um 31 millj­ón og kauprétt­ur að 2.260.000 hlut­um í Mar­el. 

Í leiðréttum ársreikningi kemur fram að árslaun hans hafi í heild verið 1.059 þúsund evrur, eða um 150 milljónir króna á gengi dagsins í dag. Það gera 12,5 milljónir á mánuði. Eru regluleg laun og hlunnindi þar af 680 þúsund evrur, eða 96 milljónir og hækka um 7,3% milli ára. Kaupaukagreiðslur voru 379 þúsund evrur, eða sem nemur 53,7 milljónum og hækka um 36,3% milli ára.

Kaupréttur hlutabréfanna og lífeyrisgreiðslurnar eru óbreytt frá fyrri útgáfunni.

• Blogga um frétt