Gengi hlutabréfa Icelandair hríðfellur

Gengi hlutabréfa Icelandair hefur hríðfallið í verði það sem af er degi. Alls nemur lækkunin tæplega 9% og stendur gengið nú í 7,7 kr.  Viðskipti með bréf fyrirtækisins hlaupa á tæplega 224 milljónum króna. 

Hlutabréfavísitölur um allan heim hafa fallið í verði í dag, en lækkunina má rekja til útbreiðslu og hugsanlegra áhrifa kórónuveirunnar. Fyrr í dag var sömuleiðis greint frá því að verð á olíu hefði lækkað um ríflega 4% sökum útbreiðslu veirunnar.  

Frétt af mbl.is

Olíuverð lækkar um 4 prósent

Það sem af er ári hefur gengi hlutabréfa Icelandair hækkað um ríflega 12% sé tekið tillit til lækkunar dagsins. Fyrir helgi stóð gengi bréfanna í 8,47 kr. en líkt og fyrr segir stendur það nú í 7,7 kr. 

• 1 blogg um fréttina

Bloggað um fréttina

• Ómar Ragnarsson: Það á ekki af Icelandair að ganga.