Heimsmarkaðsverð á gulli hefur ekki verið hærra í sjö ár, eða frá því í febrúar árið 2013. Talið er að ótti við frekari útbreiðslu COVID-19 valdi því að fjárfestar flýi með fé sitt af hlutabréfamörkuðum og kaupi gull til þess að tryggja fjármuni sína.

Fjallað er um þetta á vef BBC í dag, en hlutabréfavísitölur í Evrópu hafa lækkað nokkuð í dag, mest í Mílanó þar sem aðalvísitalan hefur lækkað um meia en 4%. Þar í nágrenninu, í Langbarðalandi þar sem Mílanó er héraðshöfuðborgin og í Venetó-héraði sem nær yfir eystri hluta Norður-Ítalíu, hefur tugþúsundum íbúa smábæja verið gert að sæta farbanni til að sporna við frekari útbreiðslu veirunnar.

Frétt af mbl.is

Fjögur dauðsföll á Ítalíu

Sérfræðingar búast við því að gull muni halda áfram að hækka í verði, haldi váleg tíðindi áfram að berast af útbreiðslu kórónuveirunnar. Í morgun fór verðið upp í 1.678 dollara á hverja únsu, áður en það lækkaði ögn aftur, en búist er við að verðið haldi áfram að hækka og gæti brotið 1.700 dollara múrinn fljótlega.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt