Lyfja hefur lækkað verð á andlitsgrímum, en hægt verður að kaupa tíu andlitsgrímur á 550 krónur, eða 55 krónur stykkið.

Í fréttatilkynningu frá Lyfju kemur fram að fyrirtækið hafi náð samningum við BYD CARE, sem sé einn stærsti grímuframleiðandi í heimi. Hægt verður að kaupa grímurnar í öllum apótekum og útibúum Lyfju um land allt, auk netverslunar, eftir helgi.

Tilkynningin kemur í kjölfar könnunar sem gerð var af verðlagseftirliti ASÍ, en þar kom fram að verð á andlitsgrímum var með því hæsta í Lyfju, en þar var hægt að fá grímu á stykkjatali á 209 krónur.

Frétt af mbl.is

Mikill verðmunur á andlitsgrímum

Fram kemur í tilkynningunni að grímurnar séu í samræmi við þær reglur sem Heilbrigðisráðuneytið hefur birt, og séu miðaðar við staðalinn IIR.

„Við erum afar ánægð að geta boðið viðskiptavinum okkar upp á gæða andlitsgrímur á góðu verði. Eins og nýbirt verðlagskönnun sýnir glöggt þá var innkaupsverð okkar frá innlendum birgjum margfalt útsöluverði hjá Costco. Við lögðum því mikla áherslu á að finna gæða grímur á góðu verði og þetta var niðurstaðan,“ er haft eftir Guðmundi Halldóri Björnssyni, verkefnastjóra viðskiptaþróunar hjá Lyfju.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt