Greiddu ekki krónu í skatta
Setja bókamerki
Skattgreiðslum þeirra allra ríkustu í Bandaríkjunum hefur verið lekið til fjölmiðla og eru upplýsingar nú aðgengilegar á nokkrum fréttavefjum. Til að mynda greiddi Jeff Bezos, forstjóri og stofnandi Amazon, ekki krónu í skatt árin 2007 og 2011 og Elon Musk, eigandi Tesla, greiddi ekki skatta árið 2018.
Fréttavefurinn ProPublica greinir frá því að hann hafi undir höndum upplýsingar um skattgreiðslur nokkurra af ríkustu einstaklingum heims. Auk Bezos og Musk er fjárfestirinn Warren Buffett þar á meðal og fleiri.
Talskona Hvíta hússins segir lekann ólöglegan og er hann til rannsóknar hjá bandarísku alríkislögreglunni og skattayfirvöldum.
Samkvæmt frétt ProPublica greiða 25 ríkustu Bandaríkjamennirnir minna í skatta heldur en flestir venjulegir launamenn í landinu. Að meðaltali er skatthlutfall þeirra ríkustu 15,8%.
Jesse Eisinger, ritstjóri ProPublica, segir í samtali við þátt BBC, Today Programme, að verulega komi á óvart hvað þú getir lækkað skatta þína ef þú ert milljarðamæringur. Þú getir jafnvel sloppið við að greiða skatta án þess að brjóta til þess lög.
Árshátíð ríkislögreglustjóra haldin í Tékklandi
„Á réttri leið en nokkuð í land ennþá“
Shakespeare fannst í skókassa
„Okkur miðar í rétta átt“
„Skýr skilaboð til Seðlabankans“
Skiptir miklu meira máli en fólk grunar
Tveir í bílnum sem lenti utan vegar