Galtalækjarskógur í höndum nýrra eigenda

Vinjar ehf., félag í eigu nokkurra fjárfesta, hefur gengið frá kaupum á Galtalækjarskógi og hluta af Merkihvolslandi, sem liggur austur af skóginum.

Frétt af mbl.is

Galtalækjarskógur falur fyrir 200 milljónir

Um er að ræða kaup á rúmlega 80 hekturum í vel grónu og fallegu landi við Ytri-Rangá. Galtalækjarskógur var á árum áður eitt vinsælasta útihátíðarsvæði landsins í eigu og rekstri bindindissamtakanna IOGT á Íslandi.

Fjölmargir landsmenn eiga þaðan góðar minningar sem tengjast skóginum, að því er segir í tilkynningu.

Ekki liggja fyrir endanlegar hugmyndir um næstu framtíð svæðisins. Þó er stefnt að því að á næstu misserum verði unnar hugmyndir og nýtt deiliskipulag ásamt því að fjarlægja fjölda illa farinna skúra og lítilla mannvirkja sem tengdust tjaldsvæðinu og starfseminni sem þar var.

• Blogga um frétt