Ný stjórn Samtaka iðnaðarins

Á aðalfundi Samtaka iðnaðarins í morgun var tilkynnt um úrslit kosninga til stjórnar. Kosningaþátttaka var 76,26%.

Kosið var um fjögur almenn stjórnarsæti til næstu tveggja ára. Sjö framboð bárust til almennra stjórnarsæta, að því er kemur fram í tilkynningu.

Þau sem hlutu flest atkvæði og setjast í stjórn eru:

• Guðrún Halla Finnsdóttir, Norðurál
• Karl Andreasson, Ístak
• Magnús Hilmar Helgason, Launafl
• Þorsteinn Víglundsson, Eignarhaldsfélagið Hornsteinn

Fyrir í stjórn Samtaka iðnaðarins eru:

• Árni Sigurjónsson, Marel, formaður
• Arna Arnardóttir, gullsmiður
• Halldór Halldórsson, Íslenska kalkþörungafélagið
• Jónína Guðmundsdóttir, Coripharma
• Hjörtur Sigurðsson, VSB verkfræðistofa
• Vignir Steinþór Halldórsson, Öxar

Uppfært: Í upphaflegri tilkynningu frá Samtökum iðnaðarins kom fram að Vignir Bjarnason hjá Elkem á Íslandi hefði verið meðal þeirra sem hefðu hlotið flest atkvæði og myndu setjast í stjórnina. Síðar var send leiðrétting þar sem fram kom að Magnús Hilmar hefði verið kosinn í stjórnina en ekki Vignir.

• Blogga um frétt