FME gefur grænt ljós á samruna Landsbankans og TM

Fjármálaeftirlit Seðlabanka Íslands metur Landsbankann hæfan til þess að fara með virkan eignarhlut í TM tryggingum hf. 

Þetta kemur fram í tilkynningu frá Landsbankanum. 

Þar segir einnig að fjármálaeftirlitið hafi metið bankann hæfan til að fara með virkan eignarhlut í TM líftryggingum hf. og Íslenskri endurtryggingu hf. sem eru dótturfélög TM trygginga hf. 

Frétt af mbl.is

Landsbankinn kaupir TM

Beðið eftir samþykkt Samkeppniseftirlitsins

Landsbankinn undirritaði samning um kaup á öllu hlutafé í TM í maí en í tilkynningunni segir að markmiðið með kaupunum sé að bjóða viðskiptavinum upp á fjölbreyttari þjónustu, fjölga tekjustoðum og auka verðmæti bankans fyrir hluthafa. 

Samkeppniseftirlitið á þó enn eftir að samþykkja kaupin en kaupin eru háð þeim fyrirvörum að fjármálaeftirlitið og Samkeppniseftirlitið samþykki þau. 

Formleg málsmeðferð hjá Samkeppniseftirlitinu er hafin. 

• Blogga um frétt