Bananalýðveldið ehf., eignarhaldsfélag í eigu skemmtikraftsins Björns Braga Arnarssonar, hagnaðist um 10 milljónir króna á síðasta ári en velta félagsins nam tæpum 27 milljónum á árinu.
Eignir félagsins námu 480 milljónum í árslok en þar af var eigið fé ríflega 322 milljónir.
Bananalýðveldi Björns Braga vakti mikla athygli þegar félagið tók þátt í lokuðu hlutabréfa útboði Íslandsbanka árið 2022.
Það árið nam hagnaður félagsins 38 milljónum, sem er nær fjórfaldur hagnaður síðasta árs. Þá nam velta félagsins aðeins 6,5 milljónum.