Dísilolía og minni hraði gæti minnkað mengun
Setja bókamerki
CE Delft telur að draga megi úr losun skipanna um 28-47% með því að meðalhraði skipanna lækki um 20-30%, að nýtt sé afl vindsins á skipum þar sem slíkt er gerlegt og að 5-10% af orkugjafa skipanna séu kolefnislaus, að því er fram kemur í umfjöllun Morgunblaðsins.
Samhliða þessu hefur verið þekkt í áratugi að minnka má sótmengun um allt að 40% með því að skipta út svartolíu sem orkugjafa flutninga- og skemmtiferðaskipa og nýta í staðinn dísilolíu. Þá getur sótmengunin minnkað um 90% ef settar eru í skipin dísilagnasíur, en það er tækni sem hefur verið í notkun um margra ára skeið í landflutningum.
Bann við notkun svartolíu við Ísland gildir ekki um skip sem nýta hreinsibúnað, en flest þeirra dæla úrgangnum í sjóinn.
Sótmengun vegna bruna svartolíu hefur aukin loftslagsáhrif sérstaklega á norðurslóðum þar sem áhrif sótsins eru töluvert meiri en annars staðar vegna þess að sótið leggst á snjó og ís og dregur úr endurspeglun, með því eykst hiti og bráðnun gerist hraðar.
Tímaspursmál hvenær framleiðslu verði hætt
Mennirnir í haldi lögreglunnar á Suðurnesjum
Segir forseta þingsins segja ósatt frá fundinum
Um 70 jarðskjálftar í kvikuganginum
Telur að Rússar herði sókn sína í norðaustri
Rannsaka drómasýki í hestum
Myndskeið: Hátt í 140 lömb á tveimur sólarhringum