„Fólk vinnur hetjudáð á hverjum degi“
Setja bókamerki
„Oft hafa hagsmunir atvinnunnar og byggðalagsins verið settir ofar eigin hagsmunum. Fólk vinnur hetjudáð á hverjum degi við vinnu og til að komast sjálft af í ringulreiðinni sem fylgir óundirbúnum búferlaflutningum. Allt kapp er lagt á að börnin skaðist sem minnst. Það er erfiðasta verkefnið.“
Þetta skrifar Pétur Hafsteinn Pálsson, framkvæmdastjórir Vísis hf., í pistli á vef útgerðarinnar í tilefni af því að í dag sé hálft ár liðið frá því að rýma þurfti Grindavík vegna jarðhræringa og yfirvofandi eldgoss.
„Í dag 10. maí er hálft ár liðið frá því hörmungarnar byrjuðu með jarðskjálftum jarðsigi og flekahreyfingum í Grindavík. Þann dag vorum við rekin af heimilum okkar út í endalausa óvissu sem ekki sér fyrir endann á. Í kjölfarið fylgdu fjögur mánaðarleg gos í næsta nágrenni við bæinn okkar og þegar þetta er skrifað halda allir í sér andanum og bíða þess fimmta. Aprílmánuður var fyrsti mánuðurinn sem náttúran sló okkur ekki utan undir frá því í október með aflmiklum náttúruhamförum,“ skrifar hann.
Unnið var hörðum höndum á síðasta ári að bjarga verðmætum úr bænum á síðasta ári, en óljóst var hvar og hvenær myndi gjósa.
Þrautseigja og æðruleysi
„En það er annað afl sem birst hefur sem mótvægi við hinn óvægna eyðingamátt. Það er fólkið sjálft sem byggir bæinn. Með þrautseigju og æðruleysi hefur það sýnt hvað í því býr. Þar sem einhver von hefur verið að halda starfsemi í gangi hefur það verið gert. Þar sem þurft hefur að verja verðmæti fyrirtækja eða sveitarfélagsins hefur ekki staðið á fólki að mæta, skrifar hann og segir fólk oft hafa sett hagsmuni atvinnunar og byggðarinnar ofar en eigin.
„Mér er þakklæti efst í huga þegar ég hugsa til samstarfsmanna minna og ég hef þá trú að algóður Guð fylgi okkur á vegferð þeirra breytinga sem við erum nú að upplifa. Verum þolinmóð gagnvart verkefninu og verum eins gætin og kostur er við þær erfiðu aðstæður sem við erum að kljást við. En umfram allt skulum við vera góð og tillitsöm við hvert annað,“ segir að lokum.
Kuldatíð tekur verulega á sálarlíf bænda
Íbúðin í Kóngsbakka óíbúðarhæf eftir eldsvoða
„Held að hann sé hættur við“
„Ísland er í dag Evrópumethafi í kynjaójafnrétti“
Dómur yfir Hrannari þyngdur í 10 ár
Einhver mikilvægasta skýrsla síðustu áratuga
„Fáir undirbúnir fyrir svona frí“