Balí í Indónesíu er sannkölluð paradís fyrir fagurkera og matgæðinga, en þar er að finna fjölmarga staði sem bjóða upp á gómsætan mat sem gleður bæði augað og bragðlaukana. Cafe Organic er einn af þeim stöðum.

Á kaffihúsinu er áhersla lögð á hollt og gómsætt grænkerafæði sem kitlar bragðlaukana, en það er svo hönnun og fagurfræði kaffihússins sem setur punktinn yfir i-ið. Náttúruleg litapalletta og áferð er í forgrunni á staðnum og skapa notalegt andrúmsloft.

Staðurinn hefur verið að slá í gegn á samfélagsmiðlum að undanförnu, en það er vinsælt meðal ferðalanga að taka myndir á staðnum og hefur hann notið mikilla vinsælda. Á matseðlinum eru fjölbreyttir réttir og drykkir, allt frá djúsí hafragraut og eggjahræru yfir í salatskálar og litríka þeytinga.

Fagurkerar munu njóta sín í botn á staðnum þar sem rík áhersla er lögð á fallega framsetningu á matnum, en þar eru litríkir suðrænir ávextir, hnetur og fræ notuð til skreytingar og falleg áhöld og diskar notaðir.

Tengdar fréttir

Matur á ferðalögum

Birta Hlín og Helgi urðu heilluð af Barselóna

• 10 bestu afþreyingarnar á Krít
• Flugáhuginn kviknaði óvænt í flugfreyjustarfi hjá WowAir
• „Það er allt öðruvísi menning á Balí en maður hefði haldið“
• Versta matarupplifunin var í fegurðarsamkeppni í Mexíkó

» Fleiri tengdar fréttir

• Blogga um frétt