Skilnaðurinn eyðilagði metið
Setja bókamerki
Susan Noles, konan sem gaf saman Gerry Turner og Theresu Nist, parið sem fann ástina í raunveruleikaseríunni The Golden Bachelor, segir skilnað þeirra hafa eyðilagt persónulegt sem og ánægjulegt met.
Hjónin eru þau fyrstu til að skilja af þeim fjölmörgu brúðhjónum sem Noles hefur gefið saman í gegnum árin.
Hjónaband raunveruleikastjarnanna entist ekki lengi, en Turner og Nist greindu frá skilnaði sínum á dögunum eftir aðeins þriggja mánaða hjónaband.
Fjölbreyttur hópur kvenna yfir fimmtugu keppti um ástir hins 71 árs gamla Turner í nýjustu útgáfu raunveruleikaseríunnar. Noles var á meðal þeirra en hún kvaddi keppnina í fimmta þætti seríunnar.
„Þeim tókst að eyðileggja metið. Þau eru þau fyrstu til að skilja,“ sagði Noles í gríni við Us Weekly. „Það var virkilega leiðinlegt að heyra um skilnað þeirra en hvorugt var tilbúið að yfirgefa heimili sitt og fjölskyldur,“ útskýrði hún.
Noles, sem er í góðu sambandi við raunveruleikastjörnurnar, sagði að þau væru á góðum stað og sátt með ákvörðun sína um að skilja. „Ekkert illt er á milli Turner og Nist.“
Komu á stórum gaffallyftara
Íslendingar þurfa að fullorðnast í varnarmálum
Viltu verða milljónamæringur um sextugt?
Ný landamærastefna í júní eða júlí
Ákall eftir forseta án tengsla við valdöfl og fjármálakerfi
„Ekki við hæfi að blanda sér í umræðu um ritstjórn RÚV“
Fræsa og malbika Reykjanesbraut