Rússar leggja hald á bankaeignir
Setja bókamerki
Tengdar fréttir
Úkraína
Dómstóll í Rússlandi hefur fyrirskipað eignarnám á eigur bankanna Deutsche Bank og UniCredit sem eftir eru í landinu.
Bankarnir hafa að mestu leyti fært starfsemi sína og eigur frá Rússlandi.
Milljarði króna í eignarnám
Eigur Deutsche Bank, sem yfirvöld í Rússlandi munu leggja hald á, nema um 239 milljónum evra (360 milljörðum króna) og eigur UniCredit um 463 milljónum evra (697 milljörðum króna).
Fyrirskipunin kemur í kjölfar lögsóknar rússneska fyrirtækisins RusKhimAlians sem ætlaði sér að byggja, í samstarfi við þýska fyrirtækið Linde, verksmiðju til að vinna úr gasi. Linde sagði sig frá framkvæmdunum eftir að Rússland hóf innrás sína í Úkraínu.
RusKhimAlians lögsótti fyrir vikið UniCredit og Deutsche Bank sem voru ábyrgðarmenn framkvæmdarinnar.
Ekki í anda refsiaðgerðanna
UniCredit er einn þeirra evrópsku banka sem var í erfiðri stöðu eftir innrás Rússa. Bankinn hélt úti veigamiklu dótturfyrirtæki í Rússlandi sem hefur reynst bankanum erfitt að losa sig við. Sala dótturfyrirtækisins var hafin fyrir fyrirskipun dómstólsins en ekki komin langt á leið.
Andrea Orcel, forstjóri UniCredit, segir fyrirtækið vilja færa starfsemi sína frá Rússlandi, en að með því að segja skilið við starfsemina þar í landi væri verið að færa Rússum starfsemi að virði þremur milljörðum evra að gjöf. Það segir hann ekki vera í anda refsiaðgerða Vesturlanda gegn Rússlandi.
Tengdar fréttir
Úkraína
„Ég bara hreinlega sagt man það ekki“
Bláa lónið opnar á morgun
Of mikið af veganmat og hurð í andlitið
Kjörsókn yfir 60% í Reykjavíkurkjördæmum
Stakk mann eftir kossaflens og fær fimm ára dóm
Vanalega að ákveða sig í kjörklefanum en ekki núna
Beint: Talið upp úr kjörkössunum