Hóta dagsektum upp á 13 milljónir króna
Setja bókamerki
Tengdar fréttir
Norska persónuverndarstofnunin hefur bannað Meta, móðurfyrirtæki Facebook og Instagram, að nýta persónuupplýsingar neytenda fyrir persónumiðaðar auglýsingar.
Ef Meta verður ekki við fyrirmælum stofnunarinnar hyggst hún leggja daglegar sektir á fyrirtækið sem nema 100 þúsund bandaríkjadölum, eða um 13 milljónum íslenskra króna.
Grannt er fylgst með viðskiptaháttum bandarískra stórfyrirtækja um gervalla Evrópu vegna áhyggja um meðferð persónuupplýsinga. Hafa stjórnvöld víða gripið til útgáfu sekta í von um að vernda friðhelgi einkalífs almennings.
Telja viðskiptahættina ólöglega
„Norska persónuverndarstofnunin telur að viðskiptahættir Meta séu ólöglegir og ætlar því að setja tímabundið bann á persónumiðaðar auglýsingar,“ segir í tilkynningu frá stofnuninni.
Samkvæmt fyrirmælum stofnunarinnar á bannið að hefjast 4. ágúst og vara þrjá mánuði. Á það að gefa Meta tíma til að grípa til nauðsynlegra ráðstafana.
Matthew Pollard, talsmaður Meta, sagði að fyrirtækið ætlaði að skoða kröfur stofnunarinnar en að ekki yrði gripið til aðgerða strax.
Tengdar fréttir
„Sérstök upplifun að kjósa sjálfan sig“
Halla: Mér líður ótrúlega vel
Sprunga virðist hafa opnast við varnargarð
Kjörsókn yfir 60% í Reykjavíkurkjördæmum
Má mikið breytast ef Halla verður ekki forseti
Jón stólar á Reykvíkinga
Of mikið af veganmat og hurð í andlitið
Katrín óskar Höllu til hamingju