Bandaríska leikkonan Jennifer Aniston er þekkt fyrir heilbrigðan lífsstíl. Aniston leggur hart að sér í ræktinni, borðar næringarríka fæðu og leggur mikið upp úr náttúrulegum valkostum. Leikkonan stundar pilates af krafti, en það er hreyfingarform sem einblínir á djúpvöðvana fyrir styrk og góða líkamsstöðu.
Aniston birti myndskeið á Instagram-síðu sinni í gærdag þar sem hún sést taka vel á því í æfingasalnum á heimili sínu. Leikkonan sýndi viljann sem þarf til að æfa þrátt fyrir nennuleysið sem fylgir mánudögum.
„Ef þú ert að eiga einn af þessum mánudögum, þá finn ég til með þér. En maður verður bara að halda áfram og gera sitt,“ skrifaði Aniston við færsluna.