Stofnar innfjarðarækju undir meðallagi eða í lægð

Stofnvísitala rækju í Arnarfirði og Ísafjarðardjúpi var undir meðallagi í leiðangri í haust.

Hafrannsóknastofnun ráðleggur að leyfðar verði veiðar á 167 tonnum í Arnarfirði á þessu fiskveiðiári og í Ísafjarðardjúpi eru ráðlagðar veiðar á 484 tonnum.

Rækjustofnar á öðrum svæðum eru enn í lægð og ekki er lagt til að veiðar verði stundaðar á þeim svæðum fiskveiðiárið 2016/2017, að því er fram kemur í Morgunblaðinu í dag.