HB Grandi hf. hefur selt Ísfiski hf. bolfiskvinnsluhús sitt að Bárugötu 8-10 á Akranesi. Söluverð hússins og hluta af vinnslulínu nemur 340 milljónum króna. Þetta kemur fram í tilkynningu sem HB Grandi hefur sent kauphöllinni.

Er þar einnig tekið fram að Ísfiskur muni hefja bolfiskvinnslu í húsinu á Akranesi í byrjun næsta árs.

200 mílur greindu í mars frá áformum HB Granda um að hætta bolfiskvinnslu á Akranesi og var 86 manns sagt upp störfum í maímánuði. Uppsagnirnar taka gildi á morgun.

Frétt af mbl.is

86 sagt upp störfum á Akranesi

„Þetta er gríðarlegt högg fyr­ir bæ­inn,“ sagði Vilhjálmur Birgisson, formaður Verkalýðsfélags Akraness, þá í samtali við mbl.is. „Ég myndi áætla að þarna væru und­ir 150 störf ef tek­in eru með af­leiddu störf­in.“

Áður hafði Vilhjálmur Vilhjálmsson, forstjóri HB Granda, sagt að helsta ástæða breytinganna væri gengi krónunnar.

„[Á]stæðan fyr­ir því að við höf­um uppi þessi áform eru fyr­ir­sjá­an­leg­ir rekstr­ar­erfiðleik­ar í land­vinnslu,“ sagði Vilhjálmur í mars. „Helsta ástæðan fyr­ir þeim er sterkt gengi krón­unn­ar. Það er fyrst og fremst ástæðan. Kostnaður inn­an­lands hef­ur hækkað en fisk­verð ekki. Þannig að staðan og við eig­um þenn­an mögu­leika að vinna þenn­an bol­fisk sem við erum að veiða í einu húsi. Þannig að það er það sem við erum að skoða.“

Tengdar fréttir

Samdráttur í sjávarútvegi

Hagræðing í skipastól Síldarvinnslunnar

• Uppsagnir þungt högg fyrir samfélagið
• „Þarna eru mörg störf sem eru að tapast“
• 32 sagt upp störfum í Stykkishólmi
• Gagnrýni LS á starfsháttum Hafró vísað á bug

» Fleiri tengdar fréttir

• Blogga um frétt