Áætluð heildarútgjöld ríkisins til sjávarútvegs og fiskeldis samkvæmt fjárlagafrumvarpi fyrir árið 2018 erur 6.634 milljónir króna og aukast um 327.4 milljónir frá fyrra ári eða um 5.2%. Mestu munar um 165 milljón króna framlag til Hafrannsóknarstofnunar vegna eflingar rannsókna á uppsjávarstofnum.

Útbreiðsla og stærð ýmissa fiskistofna hefur breyst umtalsvert undanfarin ár vegna breyttra hafstrauma og sjávarhita og eru rannsóknir því kostnaðarsamari en áður. Þessar breytingar koma hvað skýrast fram í uppsjávarstofnum, að því er fram kemur í tilkynningu frá Landbúnaðar- og sjávarútvegsráðuneytinu. 

Gert er ráð fyrir að efla rannsóknir með fjölgun úthaldsdaga rannsóknarskipa. Auk þess er 30 milljónm forgangsraðað til stofnunarinnar vegna ráðninga þriggja sérfræðinga sem styðja munu við verkefnið.

Vegna tímabærrar endurnýjunar á tölvustýribúnaði rannsóknarskipsins Árna Friðrikssonar er 55 milljónum forgangsraðað til stofnunarinnar en með þessu er ætlað að tryggja afköst og virkni skipsins og þar með nauðsynlegar rannsóknir næstu ára. 

Jafnframt verður 11 milljónum króna forgangsraðað innan málefnasviðsins til að styrkja starfsemi Verðlagsstofu skiptavers líkt og fyrirheit voru gefin um við kjarasamning sjómanna. Þá er gert ráð fyrir því að fjárheimidl sjávarútvegs og fiskeldismála hækki um 20 milljónir vegna Umhverfissjóðs sjókvíaeldis, en sjóðnum er ætlað að lágmarka umhverfisáhrif fiskeldis og er liður í áætlun stjórnvalda til að bregðast við auknum umsvifum í greininni. 

Tengdar fréttir

Fjárlagafrumvarp 2018

Vegabréfsáritanir stóraukast á Indlandi

• Leiðir til að lyfta fólki upp úr fátækt
• Léttvínskassinn hækkar um 500 krónur
• Mælti með hóflegum auðlegðarskatti
• FA segir jöfnun gjalda yfirvarp

» Fleiri tengdar fréttir

• Blogga um frétt