Afturkalla MSC-vottun fyrir grásleppuveiðar
Setja bókamerki
MSC-vottun
- Vottunarstofan Tún annast vottun sjálfbærrar nýtingar fiskistofna og rekjanleika sjávarafurða samkvæmt vottunarreglum Marine Stewardship Council (MSC).
- MSC-vottun er útbreiddasta vottunarkerfi á sviði sjálfbærra sjávarnytja.
- Nokkrir helstu nytjastofnar við Ísland eru nú MSC-vottaðir og á annað hundrað íslenskra fyrirtækja eru vottuð til vinnslu og viðskipta með MSC-vottaðar afurðir.
Fjórar tegundir
- Stofnstærð útsela hefur ekki verið metin síðan árið 2012 en þá samanstóð stofninn af 4.200 dýrum.
- Fjöldi landsela árið 2016 var 7.700.
- Skarfastofninn hér við land telur 44.000 fugla, þar af 26.000 dílaskarfa. Fjöldi varppara teistu er þá um 15.000.
MSC-vottun fyrir grásleppuveiðar við Ísland hefur verið afturkölluð frá og með 4. janúar næstkomandi. Í ljós hefur komið að meðafli við veiðarnar er umfram viðmiðunarmörk hvað varðar fjórar tegundir, þ.e. landsel, útsel, dílaskarf og teistu.
Þetta kemur fram á vef Landssambands smábátaeigenda, en um er að ræða nýjar niðurstöður frá vottunarstofunni Tún.
16% af útselastofninum hafi verið meðafli í ár
Að mati Túns ógna grásleppuveiðar tilvist þessara fjögurra tegunda en niðurstöðurnar eru byggðar á útreikningum Hafrannsóknastofnunar frá upplýsingum úr afladagbókum og athugunum veiðieftirlitsmanna.
„Þeir jafngilda að meðafli við grásleppuveiðar á vertíðinni 2017 hafi verið 16% af útselastofninum, 10% af stofni landsels, 17% af dílaskarfi og 20% af þeim fjölda teista sem stofninn telur.“
Landssambandið segist nú vinna að yfirferð á skýrslu vottunarstofunnar og gögnum henni tengdri, til að hægt verði að leggja mat á hvað hægt sé að gera í stöðunni.
„Að svo stöddu er ekki hægt að leggja mat á hvaða áhrif upplýsingarnar hafa á grásleppuveiðar hér við land.“
Vottunin fékkst árið 2014
Grásleppuveiðar við Ísland fengu MSC-vottunina síðla árs 2014. Fjallaði Morgunblaðið þá um að vottunin ætti að gefa Íslandi forskot í sölu hrogna, en fram kemur að Grænlendingar hafi þá átt töluvert í land með að ná vottun.
Enn fremur var vonast til að grásleppa og grásleppuhrogn yrðu tekin af válista Alþjóðanáttúruverndarsjóðsins, en vera hennar þar var sögð hafa gert vörunni erfitt fyrir í Svíþjóð og Þýskalandi.
MSC-vottun
- Vottunarstofan Tún annast vottun sjálfbærrar nýtingar fiskistofna og rekjanleika sjávarafurða samkvæmt vottunarreglum Marine Stewardship Council (MSC).
- MSC-vottun er útbreiddasta vottunarkerfi á sviði sjálfbærra sjávarnytja.
- Nokkrir helstu nytjastofnar við Ísland eru nú MSC-vottaðir og á annað hundrað íslenskra fyrirtækja eru vottuð til vinnslu og viðskipta með MSC-vottaðar afurðir.
Fjórar tegundir
- Stofnstærð útsela hefur ekki verið metin síðan árið 2012 en þá samanstóð stofninn af 4.200 dýrum.
- Fjöldi landsela árið 2016 var 7.700.
- Skarfastofninn hér við land telur 44.000 fugla, þar af 26.000 dílaskarfa. Fjöldi varppara teistu er þá um 15.000.
Mega gefa einkunnir í tölum, bókstöfum og litum
Myndskeið: Rýkur úr sprungu sem klýfur Hagafell
Brotin eftir greiningarferlið
Framkvæmdir í uppnámi
Hver var hvati Crooks?
„Ekkert samtal sem hefur átt sér stað“