„Við setjum traust okkar áfram á íslensk stjórnvöld og vonum að þetta leysist,“ segir Heiðrún Lind Marteinsdóttir, framkvæmdastjóri Samtaka fyrirtækja í sjávarútvegi, í samtali við 200 mílur en sjávarútvegsráðherra ákvað í morgun að fella úr gildi allar heimildir færeyskra fiskiskipa til að stunda veiðar innan lögsögu Íslands.

Frétt af mbl.is

Væntir viðbragða frá Færeyingum

Það var svar ráðherra við ákvörðun Færeyinga um að meina íslenskum skipum að veiða kolmuna innan færeyskrar lögsögu en ekki stóð vilji til þess hjá færeyskum stjórnvöldum að halda samkomulagi milli Íslands og Færeyja óbreyttu. „Óbreyttur samningur hefði verið besta niðurstaðan og verður vonandi niðurstaðan,“ segir Heiðrún Lind.

„Að fara fram á auknar heimildir í íslenskri lögsögu er stór krafa og eðli málsins samkvæmt hljóta stjórnvöld og atvinnurekendur í greininni að doka við þegar sú krafa kemur upp. En við bindum vonir við að samtöl haldi áfram og menn nái að endingu samningi.“

Tengdar fréttir

Fiskveiðideilur við Færeyinga

Samkomulagi náð við Færeyinga

• Samningar náðst við Færeyinga
• Furða sig á framferði Íslendinga
• Óvissa ríkir vegna deilu við Færeyjar
• Væntir viðbragða frá Færeyingum

» Fleiri tengdar fréttir

• Blogga um frétt