Gert var ráð fyrir að uppsjávarskip Síldarvinnslunnar héldu til kolmunnaveiða í færeysku lögsögunni nú í ársbyrjun. Enn hefur þó ekki tekist að semja um gagnkvæmar veiðar í lögsögum Íslands og Færeyja og ríkir því óvissa um veiðarnar.

Að því er fram kemur á vef Síldarvinnslunnar liggur því ekki fyrir hvenær skipin halda til veiða. Loðnuvertíð er þó á næsta leiti og eru menn farnir að hyggja að henni.

Enn fremur segir á vefnum að ísfisktogarinn Gullver NS hafi fyrst skipa útgerðarinnar haldið til veiða á þessu ári, en Gullver lét úr höfn á Seyðisfirði í dag klukkan 14.

Frystitogarinn Blængur NK muni þá halda til veiða klukkan 10 í fyrramálið en Vestmannaeyjatogararnir Vestmannaey og Bergey leysi festar síðdegis á fimmtudag.

Tengdar fréttir

Fiskveiðideilur við Færeyinga

Samkomulagi náð við Færeyinga

• Samningar náðst við Færeyinga
• Furða sig á framferði Íslendinga
• Heiðrún Lind: „Treystum stjórnvöldum“
• Væntir viðbragða frá Færeyingum

» Fleiri tengdar fréttir

• Blogga um frétt