Breyti um hegðun við yfirstöðu

Annað þriggja mánaða tímabilið í röð virðist hafa náðst árangur í viðleitni Fiskistofu til að bæta endurvigtun á ísuðum afla.

Síðasta hálfa árið hefur munurinn farið minnkandi hjá vigtunarleyfishöfum þegar eftirlitsmenn hafa staðið yfir við endurvigtun miðað við aðrar slíkar kannanir síðustu tvö ár.

Í Morgunblaðinu í dag segir Eyþór Björnsson fiskistofustjóri að gagnsæi upplýsinga virðist veita aðhald og hvetja til þess að menn vandi sig, en Fiskistofa byrjaði fyrir tveimur árum að birta upplýsingar um íshlutfall í afla. Hann segir að vísbendingar séu um að vigtunarleyfishafar breyti um hegðun við yfirstöðu, sem er þá framkvæmd á kostnað leyfishafa.