Loðna finnst á allstóru svæði

„Við erum komnir með um 900 tonn. Þetta er mjatl. Það er lítið að fá yfir nóttina en á daginn hafa skip verið að fá ágætis hol. Við fengum 470 tonn í gær eftir að hafa togað í um sjö tíma. Það var leitað í fyrrinótt og fram að hádegi í gær að aflokinni þriggja daga brælu,“ segir Hjörvar Hjálmarsson, skipstjóri á Berki NK.

Beitir kom til Neskaupstaðar í morgun með um þúsund tonn af loðnu og fer aflinn til manneldisvinnslu í fiskiðjuveri Síldarvinnslunnar, að því er fram kemur á vef útgerðarinnar.

Börkur er hins vegar enn á loðnumiðunum, um 60 mílum norðaustur af Langanesi.

„Skipin hafa verið að fá ágætis hol á daginn og það er loðna á allstóru svæði en hún hefur verið töluvert dreifð. Nú er hins vegar gott lóð hjá okkur og það er gott veðurútlit næstu daga,“ segir Hjörvar.

• Blogga um frétt