Slysaslepping á eldislaxi varð úr sjókví Fjarðalax í Tálknafirði í byrjun þessa mánaðar. Orsök tjóns og umfang slysasleppingar liggja ekki fyrir en 5 fiskar úr sjókvínni hafa veiðst í net eftir atvikið fram til þessa. Þetta kemur fram í tilkynningu frá Matvælastofnun.

Stofnuninni barst tilkynning frá Fjarðalaxi um fisk utan kvíar og gat á nótarpoka sjókvíar fyrirtækisins að Laugardal í Tálknafirði að morgni 6. júlí. Við eftirlit Matvælastofnunar 9. júlí  var farið yfir atburðarás atviksins, búnað og viðbrögð fyrirtækisins.

Fram kemur að ljóst sé að slysaslepping hafi átt sér stað en umfang sleppingar er óljóst. Meðalþyngd fiska í umræddri kví er 3,5 kg og voru um 150.000 fiskar í kvínni. Fiskistofa stjórnar veiðum vegna slysasleppinga og hafa 5 fiskar veiðst í net eftir slysasleppinguna.

Þá segir í tilkynningu Matvælastofnunar að viðbrögð fyrirtækisins hafi verið skráðum verkferlum þess. Gert var við göt eftir að þau uppgötvuðust og viðbragðsáætlun vegna slysasleppingar virkjuð. 

Frétt af mbl.is

Göt fundust á sjókví í Tálknafirði

Frétt af mbl.is

Þrír laxar í netum við eldiskvína

Uppfært kl 12:19: Í upphaflegri frétt kom fram að önnur slysaslepping hefði átt sér stað í Tálknafirði hjá Arnarlaxi, en hið rétt er að Fjarðarlax er í eigu Arnarlax og er leyfið í Tálknafirði skráð á Fjarðarlax. Því er aðeins um eitt atvik að ræða, en ekki tvö eins og lesa mátti af upphaflegri frétt.

Tengdar fréttir

Fiskeldi

Strokulaxar setja mark sitt á laxveiðiár

• Eldisrisi fjárfestir milljörðum í þekkingu
• 5.196 laxar hafi sloppið úr landeldisstöð
• Strokulöxum fækkar í norskum ám
• Stefna á slátrun úr kvíum í Dýrafirði í haust

» Fleiri tengdar fréttir

• Blogga um frétt