Rúmlega tvöföldun eldis í Dýrafirði

Arctic Sea Farm stefnir að því að auka laxeldisframleiðslu sína í Dýrafirði um 138%. Þetta kemur fram í drögum fyrirtækisins að frummatsskýrslu, þar sem umhverfisáhrif framleiðsluaukningarinnar eru metin. Áform fyrirtækisins miða að því að framleiðsla laxeldisins í firðinum skili tíu þúsund tonnum.

Á síðasta ári fékk fyrirtækið rekstrar- og starfsleyfi sem heimilaði 4.200 tonna framleiðslu í Dýrafirði og er það tvöföldun miðað við fyrra leyfi sem var 2.100 tonn.

Frétt af mbl.is

Sjókvíaeldi tvöfaldast í Dýrafirði

Nú er unnið að því að auka framleiðsluna á ný og mun sú framleiðsluaukning nema 5.800 tonnum. Fáist samþykkt fyrir aukningunni verður fyrirtækinu þar með heimilað að framleiða 10 þúsund tonn.

Arctic Sea Farm lagði einnig fram frummatskýrslu fyrr á þessu ári vegna áforma um 4.000 tonna eldi í Arnarfirði. Þá hefur fyrirtækið leyfi, sem úthlutað var í fyrra, til 6.800 tonna eldisframleiðslu í Patreksfirði og Tálknafirði.

Frétt af mbl.is

Óveruleg áhrif laxeldis í Arnarfirði

Í skýrslunni um fyrirhugað sjókvíaeldi í Dýrafirði segir að framleiðslan hafi óveruleg áhrif á flesta þætti, en þau neikvæðu umhverfisáhrif sem kunna að fylgja framleiðslunni verði staðbundin og afturkræf. Áhrif á hagræna og samfélagslega þætti eru hins vegar sögð vera verulega jákvæð.

• Blogga um frétt