Hlýri kvótasettur, er í sögulegu lágmarki

Hlýri verður kvóta­sett­ur með nýju fisk­veiðiári, sam­kvæmt aug­lýs­ingu sjáv­ar­út­vegs­ráðuneyt­is­ins í Stjórn­artíðind­um.

Miðað er við að afli næsta fisk­veiðiárs verði að há­marki 1.001 tonn og er það í sam­ræmi við ráðgjöf Haf­rann­sókna­stofn­un­ar. Afla­hlut­deild í hlýra verður út­hlutað á grund­velli veiðireynslu á fisk­veiðitíma­bil­inu 16. ág­úst 2015 til 15. ág­úst 2018.

Hlýri veiðist einkum sem meðafli á línu og í botn­vörpu og hafa veiðar verið frjáls­ar. Erfitt hef­ur verið talið að stjórna veiðum með afla­marki en nú verður látið reyna á það. Í af­la­upp­lýs­ing­um Fiski­stofu kem­ur fram að á fisk­veiðiár­inu hafa yfir 250 skip og bát­ar landað hlýra, allt frá nokkr­um kíló­um upp í rúm­lega 80 tonn. Er afl­inn til þessa orðinn tæp­lega 1.480 tonn, að því er fram kem­ur í frétta­skýr­ingu um veiðar á hlýra í Morg­un­blaðinu í dag.