Eldislax í Vatnsdalsá

Lax sem veiddur var í Vatnsdalsá 31. ágúst og fjallað hefur verið um í fjölmiðlum reyndist vera eldislax.

Þetta kemur fram á vef Hafrannsóknastofnunar. 

Frétt af mbl.is

Eldislax líklega kominn í Vatnsdalsá

Komið var með laxinn á stofnunina 3. september og sýni úr honum í framhaldinu arfgerðargreint á rannsóknastofu Matís ohf.

Fiskurinn bar ytri einkenni sem bentu til eldisuppruna, s.s. skemmdir á uggum.

Við krufningu kom í ljós að um hrygnu var að ræða, með mjög óþroskaða hrognsekki. Hún var með tóman maga og uggaskemmdir. Benti það til þess að hún hefði strokið seint úr eldi (síðbúið strok), að því er kemur fram í tilkynningunni.

„Það er óvenjulegt að ókynþroska fiskur gangi í ár og þekkjum við þess varla dæmi.“

• Blogga um frétt