Stjórn HB Granda samþykkti í gær að kaupa útgerðarfélagið Ögurvík af Brimi hf. sem er í eigu Guðmundar Kristjánssonar, forstjóra HB Granda. Á sama fundi var ákveðið að einfalda skipurit félagsins og í stað sex manna framkvæmdastjórnar sitja nú aðeins þrír starfsmenn fyrirtækisins í henni.

Það eru forstjórinn, fjármálastjóri og framkvæmdastjóri. Síðastnefnda staðan er ný í skipuriti félagsins. Samhliða þeim breytingum var ákveðið að ráða Ægi Pál Friðbertsson í það starf en hann hefur frá árinu 2013 verið framkvæmdastjóri Brims hf. Stjórnarformaður HB Granda er Magnús Gústafsson. Hann sat áður í stjórn Brims hf.

Í fréttaskýringu í Morgunblaðinu í dag er greint frá því að síðastliðið vor hafi þáverandi stjórnendur HB Granda metið möguleg kaup á Ögurvík á þann veg að ekki væri hægt að réttlæta þau nema það kæmi verulega niður á arðsemi félagsins. Var talið að forsvaranlegt verð fyrir fyrirtækið í því ljósi lægi í kringum 8 milljarða en ekki 12,3.

Tengdar fréttir

Kaup HB Granda á Ögurvík

Fellir niður athugun á HB Granda

• Heimilar kaup HB Granda á Ögurvík
• Kaup HB Granda á Ögurvík samþykkt
• „Kemur mér ekki á óvart“
• Kaupin hagfelld, séu forsendur raunhæfar

» Fleiri tengdar fréttir

Brim

Stærsta skip flotans heitir nú Þerney

• Brim fjárfesir í vistvænum krapavélum
• Stjórn Brims helst óbreytt
• Hagnaður Brims dróst saman um 20%
• Brim seldi nýkeypt skip vegna veiðibanns

» Fleiri tengdar fréttir