Slysa­varna­fé­lagið Lands­björg (SL) og Rafn­ar ehf. hafa und­ir­ritað vilja­yf­ir­lýs­ingu um sam­starf í tengsl­um við hönn­un og síðar end­ur­nýj­un á öll­um björg­un­ar­báta- og skipa­flota lands­ins. Um er að ræða 13 nýja báta og skip og er gert ráð fyr­ir að verk­efnið kosti um 2 millj­arða ís­lenskra króna. Þetta kem­ur fram í til­kynn­ingu frá fé­lag­inu.

Verða hannaðir ann­ars veg­ar 12-15 metra lang­ir létt­byggðir bát­ar og hins veg­ar 15 metra björg­un­ar­skip til lengra út­halds. Hef­ur Tækniþró­un­ar­sjóður styrkt Rafn­ar vegna þessa um 70 millj­ón­ir króna á næstu tveim­ur árum.

Rafn­ar af­hentu fyrsta sér­hannaða björg­un­ar­bát­inn árið 2015 og hef­ur fyr­ir­tækið síðan verið í sam­vinnu um frek­ari þróun slíkra báta.

Meðal ann­ars er reynt að draga úr þeim högg­um sem verða á báta þegar þeir fara yfir haf­flöt­inn á mikl­um hraða. Með skrokk­hönn­un báta frá Rafn­ar er reynt að draga úr þeim högg­um og seg­ir í til­kynn­ing­unni að verk­fræðideild Há­skóla Íslands hafi metið að hönn­un­in dragi úr högg­un­um 80-90%.

Slysa­varna­fé­lagið Lands­björg og Rafn­ar munu eft­ir því sem við á leita eft­ir sam­starfi við og afla til­boða frá skipa­smíðastöðvum sem mesta reynslu hafa á þessu sviði.

Haft er eft­ir Jóni Svan­berg Hjart­ar­syni, fram­kvæmda­stjóra SL að end­ur­nýj­un björg­un­ar­báta- og skipa­flota lands­ins sé bráðnauðsyn­legt hags­muna­mál og mik­il­vægt ör­ygg­is­mál. Und­an­farið hafi rýni- og grein­ing­ar­vinna átt sér stað um næstu skref og að mikl­ar von­ir séu bundn­ar við hina sér­hönnuðu skrokk­hönn­un Rafn­ar.

Frétt af mbl.is

Núm­er eitt, tvö og þrjú er að bjarga líf­um

Tengd­ar frétt­ir

Öryggi sjófar­enda

Æft á Gísla Jóns

• Styrkja um­bóta­verk­efni í ör­ygg­is­mál­um
• Munaði litlu að bát­ur­inn sykki
• Náðu að bjarga sjón há­seta
• Hepp­inn að hafa náð að kalla eft­ir hjálp

» Fleiri tengd­ar frétt­ir

• Blogga um frétt