Bæjarstjóri Vesturbyggðar, Rebekka Hilmarsdóttir, og oddviti Tálknafjarðarhrepps, Bjarnveig Guðbrandsdóttir, gera alvarlegar athugasemdir við fréttaflutning Ríkisútvarpsins um eldi í Patreksfirði og Tálknafirði þar sem haft er eftir Óttari Yngvarssyni, lögmanni náttúruverndarsamtaka og veiðirétthafa, að aðeins 5 til 10 manns séu í vinnu við eldi í Patreksfirði og 25 manns í vinnu við eldi í Arnarfirði.

Þetta kemur fram í yfirlýsingu.

„Þessari fullyrðingu er harðlega mótmælt enda er hún ekki byggð á staðreyndum né gögnum um fjölda starfa. Hið rétta er að bein störf fiskeldisfyrirtækjanna á svæðinu eru 170 talsins. Þess er krafist að Ríkisútvarpið leiðrétti fréttina og hvetja til þess að miðillinn vandi betur fréttaflutning sinn,“ segir í yfirlýsingunni.

Frétt af mbl.is

Óvissan á Vestfjörðum óviðunandi

Óttar Yngvason, lögmaður náttúruverndarsamtaka og veiðiréttarhafa, sagði í frétt RÚV að sjókvíaeldi í Patreksfirði og Tálknafirði sé úr sögunni eftir niðurstöðu úrskurðarnefndar umhverfis- og auðlindamála. Hann sagði það jafnframt staðleysu að niðurstaðan þýði atvinnuleysi.

„Við þetta eldi í Patreksfirði þá eru kannski komnir til vinnu þar fimm til tíu manns, ef það eru svo margir.  Staðhæfingar um að þetta séu 150 manns í vinnu við til dæmis Arnarlax eldið í Arnarfirði og þetta byrjaða í Patreksfirði, það er hreint rugl. Ég myndi telja að það væru til dæmis í Arnarfirðinum kannski 25 manns í vinnu þar og í Patreksfirðinum kannski fimm til tíu mann,“ sagði hann við RÚV.

Tengdar fréttir

Fiskeldi

First Water leigir húsnæði Ísfélagsins

• Gjald á sjókvíaeldi hækkar um 46%
• Vantar stöðugleika í framboði af laxi
• Frestuðu slátrun til að hámarka verð
• Ræða sjókvíaeldið fyrir opnum dyrum

» Fleiri tengdar fréttir

• 2 blogg um fréttina

Bloggað um fréttina

• Ómar Geirsson: Mikill er máttur peninganna.
• Benedikt V. Warén: Hvaða laxveiðiá er enn með sinn upphaflega laxastofn???