Lífeyrissjóðurinn Gildi vill að fyrirtækjaráðgjöf Kviku banka verði fengin til að meta fyrirhuguð kaup HB Granda á öllu hlutafé Ögurvíkur, og skilmála þeirra. Hefur lífeyrissjóðurinn gert tillögu um að bókun þessa efnis verði tekin til meðferðar á hluthafafundi HB Granda sem fram fer 16. október.

Fyrir fundinum liggur þegar tillaga um að staðfesta ákvörðun stjórnarinnar um kaup félagsins á öllu hlutafé Ögurvíkur ehf. af Útgerðarfélagi Reykjavíkur, sem áður bar nafnið Brim.

Guðmundur Kristjánsson, forstjóri HB Granda, er aðaleigandi Útgerðarfélags Reykjavíkur. mbl.is/Kristinn Magnússon

Sé hafin yfir allan vafa

Segir í greinargerð með tillögu Gildis að þar með liggi fyrir hluthöfum að leggja mat á og taka afstöðu til þess hvort viðskiptin séu hagfelld fyrir HB Granda. Tillagan sé þá meðal annars lögð fram í ljósi þess að aðaleigandi seljanda, Guðmundur Kristjánsson, sé á sama tíma forstjóri HB Granda og stærsti hluthafi fyrirtækisins. Markmið tillögunnar sé því að tryggja að ákvörðunartakan sé hafin yfir allan vafa.

Enn fremur kemur fram í greinargerðinni að fyrir liggi sérfræðiskýrsla sem sé meðal annars þeim annmarka háð að einungis sé byggt á einni tiltekinni matsaðferð, án þess að horft sé til annarra þátta sem kunni að skipta máli þegar viðskiptin séu metin á heildstæðum grunni.

Frétt af mbl.is

Samþykkti kaupin á Ögurvík

Stjórn HB Granda samþykkti 13. september samn­ing um kaup á öllu hluta­fé í  Ögur­vík, en samningurinn var gerður 7. sept­em­ber. Kaup­verðið er 12,3 millj­arðar króna og var í tilkynningu þann dag sagt bygg­jast á niður­stöðum tveggja óháðra mats­manna. Ögur­vík ehf. ger­ir út Vigra RE-71, 2.157 tonna frysti­tog­ara sem var smíðaður árið 1992.

Afla­heim­ild­ir fé­lags­ins á fisk­veiðiár­inu sem hófst 1. sept­em­ber 2018 eru 7.680 tonn af botn­fiski og 1.663 tonn af mak­ríl, miðað við út­hlut­un árið 2018. Fé­lagið hefur rekið út­gerð frá Reykja­vík í meira en hálfa öld.

Frétt af mbl.is

Vill stækka verulega

Tengdar fréttir

Kaup HB Granda á Ögurvík

Fellir niður athugun á HB Granda

• Heimilar kaup HB Granda á Ögurvík
• Kaup HB Granda á Ögurvík samþykkt
• „Kemur mér ekki á óvart“
• Kaupin hagfelld, séu forsendur raunhæfar

» Fleiri tengdar fréttir

Brim

Stærsta skip flotans heitir nú Þerney

• Brim fjárfesir í vistvænum krapavélum
• Stjórn Brims helst óbreytt
• Hagnaður Brims dróst saman um 20%
• Brim seldi nýkeypt skip vegna veiðibanns

» Fleiri tengdar fréttir

• Blogga um frétt